Праклятыя госці сталіцы
Автор: Альгерд Бахарэвiч
Год издания:
У цэнтры рамана Альгерда Бахарэвіча “Праклятыя госьці сталіцы” – даволі каларытны і таямнічы персанаж па імені Назар Мінус, жыццё якога пачалося ў савецкім грамадстве, а працягнулася ў перабудовачныя і постсавецкія часы. Ён увасабляе людзей, выхаваных у жорсткасці, расхлістанасці, няпэўнасці, амаральнасці, ханжастве прамінулага стагоддоддзя, ён – твар гэтай эпохі, ён увабраў у сябе самыя непрывабныя душэўныя якасці. Чым не герой нашага часу? І розум гэтага знешне непрыкметнага, але ўнутрана вельмі неардынарнага чалавека спрадукаваў ідэю тэатра, дзе падмянялася будзённае, рэальнае, на выдуманае, няіснае, і наадварот. Акторамі былі самыя звычайныя людзі, а спектаклем называліся, на першы погляд, шараговыя жыццёвыя падзеі (сход нацыяналістаў, рок-канцэрт для падлеткаў, мясцовы конкурс прыгажосці ці проста чарговая сустрэча аматараў сеткавага маркетынгу). Але там, па той бок нябачнай празрыстай сцяны, абраныя, пасвечаныя гледачы пад усеўладным кіраўніцтвам Назара Мінуса маглі зразумець, наколькі абсурднымі насамрэч выглядаюць думкі, учынкі, паводзіны людзей у паўсядзённасці.
Праклён Міндоўга
Автор: Максім Кутузаў
Год издания:
У нашай гісторыі хапае таямнічых ды містычных падзей. Але калі капнуць глыбей, можна знайсці такія неверагодныя супадзенні, што падсвядома пачынаеш верыць у праклёны. Зборнік п’ес “Праклён Міндоўга” складаецца з трох твораў, прысвечаных таямнічым падзеям нашай гісторыі. Гэты містычны цыкл уключае ў сябе п’есу пра Радзіму, п’есу пра сям’ю і п’есу пра каханне ды братэрства. Кожны з трох твораў яскрава адлюстроўвае ўсю містычную трагічнасць жыцця людзей, якія калісьці стваралі нашу гісторыю, увесь цяжар іх няпростых лёсаў.
